Unsa ang tubag sa katawhan sa (In)Human Security Act?

Hulyo kinse dos mil siyete, nahitabo na ang ilahang gitakda.

Tungod kuno “self-implementing” nga balaod ang Human Security Act of 2007 o HSA, gipas-pasan og ayo sa mga anaa sa palasyo ang pagpatuman niini. Mao karon nga murag ang uban, naghulat kung kinsa ang una nga dakpon.

Matud pa sa usa ka lokal nga midya diri sa Davao, pirti kunong hadloka ron sa mga militante tungod kay sila mao ang tinuod nga target ning balaod. Hadlok? Dili man. Target? Kinsa pa man diay?

Sa kamatuoran man gyud ang maong balaod gimugna tungod sa pagkaitoy ni GMA sa administrasyon ni Bush nga nagpasiugda sa “war on terror”. Kabalo naman ta ani nga nagpakaylap lamang og “gyera” ang nasud US aron makaangkon pa kini og dugang mga teritoryo (kinaiya kini sa usa ka imperyalista nga nasud).

Ug ang HSA ang usa sa ilahang maayo nga hinagiban aron pitulon ang nagkalapad ug nagkakusog nga panaghiusa sa katawhan batuk sa pagpandaug-daug.

Sa wala pa kaayo nasayod sa isyu, ania ang mga dokumento nga makatabang kaninyo og pasabot.

***Primer on Human Security Act
Pwede pud mo mobisita sa website sa Bagong Alyansang Makabayan.

Karong Lunes, Hulyo 23, State of the Nation Address na usab ni GMA. Panahon na usab aron ipanghimakak niya ang “kamaayo” sa iyang liderato. Apan alang sa katawhan panahon na kini aron hatagan usab si GMA og “5″ o lagpak nga grado tungod sa padayon niya nga pagbaligya sa nasud ngadto sa mga langyaw ug pagpadayon sa mga anti-katawhan niya nga polisiya.

Ginaawhag ang tanan! SALMOT KITA!

Dunay ipahigayon nga dakong mobilisasyon karong Lunes, HULYO 23. Magkita-kita ta sa FREEDOM PARK, Roxas St., ala-12 sa udto.

Matud pa sa usa ka balak ni Malou Tianco, ang tubag sa katawhan sa Human Security Act:

HALA, SIGE, ABANTE!